sie sind hier: startseite / alle beiträge / ois grau in grau und ois oasch

jammern auf hohem niveau

beitrag von: schreiberin

ois grau in grau und ois oasch

ois grau in grau und
ois oasch.
die mama reat in gaunzn tog
und tuat ois waun nix wa.
is ma eh recht
sunst miassat i wos sogn.
da voda losst si ned auschaun
do rennt wos mit ana aundan,
sogt die tant
und die mamsch woat, dass er hamkummt.
owa er kummt ned
a jeda waß des,
nur sie ned, die mamsch.
und i, i sog a nix
sunst miassat i redn
und irgendwann tat sie mi frogn
und wos is mit dia
wos soi scho sei
da sepp schmust mit ana aundan,
sogt die hermi.
i frog eahm ned
weu sunst kunnts sei
dass er sogt, es is aus.
i sog nix. Und i frog nix.
weu maunchs moi wird ma munter
und ois is vuabei
die aungst und des zidan
woan umsunst
god sei daung.
und waun ned
sperr i mi ei,
ziag die deckn übern kopf
und deng ma
lossts mi olle in ruah
ois grau in grau
und ois oasch.

review von: christiane rösinger

Find ich sehr gelungen, auch wenn ich nicht alles  100 % verstanden habe. Aber einige Wendungen kenn i eh von meinen österreichischen Freunden. Eine Jammerzirkel! Und der Dialekt ist halt doch die schönere, wahre Sprache!
Und großes Identifikationspotential beim Leser : 
 ois grau in grau und ois oasch.You tell me! 

eva schreiber sagt
12.12.2017 13:45
Daungsche! Gfrei mi!