christiane rösinger (ger) Da kann ma halt nix mach’n

beitrag von: muelr

Da kann ma halt nix mach’n

Weil’s sonst keiner tut – fang ich halt damit an
Zum Erzähl’n über Zuständ‘ – wo ma nix mach’n kann
Da nutzt Dir kein Zurn – manchmal ist’s a zum Lachen
Aber oft zuckst mit d‘ Schultern: – „Da kannst halt nix mach’n“.


A Bua kommt mit’n Zeugnis heim – ihm ist net ganz geheuer
Die Mutter ruft: „Was hast nix g’lernt – die Nachilf‘ war so teuer!
Drei Fünfer in an halben Jahr – was hab‘ ich denn verbroch’n?
Jetzt muaßt‘ die Dritte wiederhol’n – da kann ma halt nix mach’n“!


A Dirndl fangt beim Nachtmahl z‘haus – ganz plötzlich an zum wana
„I sag euch’s gleich, i kriag a Kind – das weiß bisher noch kana“!
Der Vatter plärrt im ersten Schreck: – „Was machst denn da für Sachen“?
Die Oma fragt nur: „Hast eahm gern? – Dann kann ma halt nix machen“!


Im Außenministerium – da is a Akt verschwund’n
Im Keller suacht der Archivar – mit seine Leut‘ seit Stunden
Ein Amtsrat ruaft: „Da muaß was g’scheh’n – den brauch ich scho‘ seit Woch’n“!
Der Hofrat meint: „Da wart ma halt – sonst könn‘ ma eh nix mach’n“.


Und wenn einmal mein Doktor sagt: – „Nicht jeder Mensch wird hundert“
Da denk ich mir: „Is eh ganz klar“ – und bin net sehr verwundert.
Dann kommt’s mir erst: „Der meint ja mich“. – Da ist mir nicht zum Lach’n.
„Ich wär schon gern ein Zeit noch blieb’m – da kann ma halt nichts machen“!