beitrag von: ana
Du bist ma so wuascht (eine Auslöschung)
Du host mi sekkiert/ mit Deine Faxn doch I woa vanoat/ in deine schen Haxn host mi aurenna lossn/ untan Schlapfm gstöt und mi Tog fia Tog/ mit deine fadn Gschichtln gwöt Host mi has gmocht/ daun hingstöht/ ois wa i a Trottl nua weist fesch bist/ und i nua/ a gaunz noamala Zottl bin hinta dir hergrennt/ wia a leifiger Dackl hob da trogn kilometerweit/ de Einkaufssackl Du bist auf meina Nosn taunzt/ I woit Di net valian ned wieda alan/ mit mein Bier wegetian Und da Sex woa a Haumma/ zumindest am Aunfaung doch speda woa I /nur mehr der Teppich zum draufhaun Doch jetzt bist ma wuascht I bin endgültig clean egal wos passiert jetzt bin i dahin A schwoaza Büdschiam gibt mehr her/ ois a Blick in Dei Face Wenn Du zufällig auftauchst/ und I net oreiss Du bist ausglöscht komplett/ aus meina Geisteskoatn I spring nimma au/ do kaunst ewig drauf woatn Du kaunst ma schmeicheln kaunst mi ärgern oder oag provozian kaunst in Tränen aufgelöst/ vor mir knian kaunst mein besten Freind/ nebn mir niederschmusen ich schau duach Di duach/ net amoi auf Dein Busn Du kaunst mi auschrein oder auspeibm Du existierst nimmermehr I bin frei/ I bin I/ I bin wieder mei Herr. Jedes Sackl des da Wind treibt/ riat mi mea Du bist ma so wuascht