schauen

beitrag von: muelr

Dirndlgwand

’s Dirndl-G’wand


A Dirndl is a Menscherl – ob groß oder klein
Is daheim guat zum leid’n – und ist net gern allein
A Dirndl is a’r a G’wand – wås zum Kirchengeh’ taugt
Zum Tanz’n und Hertråg’n – wo man hålt auf Dich schaut
In an Dirndl kannst rennen – oder „schreiten“ ganz fein
Im Dirndl kannst a Lausmensch – und a Bürgermeist’rin sein.


Jedem Dirndl passt a Dirndl – ob mollig, ob schlank
Wer a Dirndlg’wand heimtrågt – sågt dann oft „Gott sei Dank“
„Wås soll ich denn anzieh’n“ – das hört auf ab dem Tåg
Weil a Dirndl passt immer – geht’s krump oder g’råd
Zur Hochzeit, zur Tauf’ – ins Theater, Konzert
Wer a Dirndlg’wand trågt – der ist niemals verkehrt.


Es gibt viel schöne Dirndln – jede Gegend hat ans
Und a jed’s hat was B’sonders – gleich ausschau’n tuat kans
Då gibt’s auch raffinierte – bei denen wär’s guat
Wannst an Mann daham hast – der’s hint’ zuknöpfeln tuat
Um’s Aufknöpfeln später – gibt’s leichter a G’riß
Weil a Dirndl ohne Dirndl – oft a wås schön’s ist.