weltbeschreibung

beitrag von: muelr

Die Standlerin

Guate Maschankzer hätt i do – ganz zuckersüaße, beiß’ns oh
Zwa Kilo schöne, bitte sehr  – a bißl mehr der’s sein der Herr?
Macht grad vier Euro. Sie, gnä‘ Frau – greifen’s net alle Happeln an!
Oder wolln Se gern an Salot – den vorher scho’n wer z’sammdruckt hat?

An Spargl hab i, wach wia Butter – Der hülft en Vatter auf die Mutter
Nur sieben Euro! Des is z’teier? – Der Nudldrucker frißt nur Eier!
Die War‘ verschenk’n is ka Kunst – I kriag ja a nix umasunst
Um viere aufsteh‘ alle Tag – Bis sechse, siebene die Plag
Im Summer schwitzt, im Winter g’frierst – Ka Wunder, wannst da hantich wirst
Dafür bin ich mei eig’ner Herr – An Kilo Zwiefel? Bitte sehr.