halt’s maul, wasserhahn!

beitrag von: Voila

Er hat an Gachn kriagt...

Kleine Vorbemerkung:
Ich habe es gewagt, eine Coverversion auf "Ein echtes Wienerlied" von Roland Neuwirth zu schreiben.
Möge mich der Hass des Großmeisters nicht streifen! ;-)
Falls jemand das Lied nicht kennt, hier der Link.
https://www.youtube.com/watch?v=sM9EWDeAEyM

Er hat an Gachn kriagt,
er ist krawutisch wurn.
Eahm is des G’impfte aufganga
vur lauter Zurn.
Is aus da Haut gfahrn, auszuckt,
hat si nimma kennt.
Eahm is, wie ma so sogt,
die Sicherung durchbrennt.

Eahm ist die Goi hochkemma,
er hat tobt ois wia. 
Er hat an Hass gschom
und hat rot gseng wiara Stier.
Er is von null auf hundert,
wia des so schee haaßt.
Eahm is der Kragn platzt, 
der hat eahm nimma passt.

Er is in Saft ganga,
eahm hat da Rappl packt,
hat soiche Kawin kriagt
und fast an Herzinfackt.
Hat nimma gwusst, wo om und unt is
hint und vurn.
Mit einem Wurt: Er hat
die Contenance verlurn.

Ja, Leidln, des is a Malöhr,
Den Flaschenöffner, findt der nimma mehr.
A waunna fluacht und suacht und suacht
in ana Tour. I denk ma nua:
Des Flaschl, des a trinka mecht,
bleibt bummfest zua.