wüst

“WÜST” für sfd        

wüst a wohnung – kriagst a haus

wüst an rotzn – kriagst a maus

wüst an maurer – kriagst an pfusch

wüst a musi – schpüns an tusch

wüst an tischler – kriagst ka hoiz

kummt da schlosser – daun bist schtoiz

wüst a auto – kriagst a wagl

wüst wos schneidn – host ka sagl

wüst wos löschn – kriagst a feia

wüst das billig – daun wirds teia

wüst an tiger – kriagst an panther

wüst a cola – kriagst a fanta

wüst a kappal – kriagst an huad

wüst a feia – kriagst a gluad

wüst a haund voi – kriagsd an bund

wüst an woif – kriagst an hund

 wüst a pferd – kriagsd a zebra

wüst du herpes – kriagsd du lebra

wüst a pfeiffm – kriagsd an tschick

wüst a buffm – kriagsd an schtrick

 wüst a trum – kriagsd a schtickl

wüst a rua – kriagsd an wickl

wüst an ochsn – kriagsd an esl

wüst a schnitzl – kriagsd nua bresl

wüst a auto – kriagsd a kragsn

wüst a bradl – kriagsd nua flaxn

wüst an doppla – kriagsd a ochtl

wüst a bussl – kriagsd a dochtl

 host a moped – brauchsd ned geh

wüst a taxi – bleibt koans schteh

wüst du sex – kriagsd nua liebe

host an schnuck – kumman die diebe

 wüst a kind – kriagsd a ruam

wüst a madl – kriagsd an buam

wüst a zweits daun kriagst zwülling

wüst an euro – kriagsd an schülling

wüst an schlog – kriagsd a butta

wüst a schiff – kriagsd an kutta

wüst a tölla – kriagsd an topf

wüst a glotzn – kriagsd an zopf

 wüst a soiz – kriagsd an zucka

wüst du aufschteh – muast di bucka

wüst an most – kriagsd a bia

host koa göd – daun bist schtia

wüst an schuach – kriagsd an schtüfi

wüst an knofi – kriagsd an zwüfö

wüst a sun – sitzt im schottn

foast mitn radl – host an plottn

wüst du schterbm – rettens dich

wüst guad lebm – neggens dich

wüst du obiagn – foans grod weida

wüst an frogn – sogta leida

wüst an öfa – kriagsd koan pfiff

wüst du tauchn – kriagsd koa riff

wüst an delfin – kriagsd an hai

brennt dei haus – kummt kiwarei

wüst a buach – kriagsd a bladdl

wüst du sex – kriagsd koa madl

wöhsd du grün – daun wias blau

sogn wir serwas – und ned tschau

(c) manfred bruckner, lydia haider, claudia karner, johann laimighofer,

gerhard narbeshuber, franz schwentner, teresa steiner, margit ulm & hp falkner

schule für dichtung, november 2016

text entstanden in der sfd-klasse “gstanzln” von hans peter falkner, erstmals präsentiert im rahmen der klassenperformance am 18.11.2016

http://sfd.at/gstanzln

wir danken herzlich den autorinnen und autoren!

(c) sfd